Leikong
Gurskøya. Tettstaden Leikong på innsida av øya.
Av .
Lisens: CC BY SA 2.0

Gurskøya er ei øy i Herøy og Sande kommunar i Møre og Romsdal, sørvest for Ålesund. Gurskøya er 137 km2 (69 km2 i Herøy og 68 km2 i Sande).

Øya er berglendt, og har tett busetjing langs strendene. Det er 4647 innbyggjarar (2015), 2534 i Herøys del og 2113 i Sandes. Øya har tre tettstader: Larsnes og Haugsbygda i Sande samt Moltustranda i Herøy.

På øya blir det drive fiske, fiskeforedling og annan industri i tilknyting til fisket. Det er òg stor verkstadsindustri i Sande sin del av øya.

Fylkesveg 61 Nordfjord–Ålesund går over Gurskøya, og det er bru over det 60 m breie Dragsund til Hareidlandet. Fylkesveg 654 fører frå Dragsund langs nordaustsida av øya via fleire småøyar og Leinøya til FosnavågBergsøya. Det er fylkesveg rundt vestkysten av Gurskøya frå nordspissen av øya til Gurskebotn på fylkesveg 61 i sørvest.

Namnet kjem av fjordnamnet Gursken, og er truleg i slekt med norrønt gor, 'søle'.

Kart

Gurskøya
Gurskøya
Av /Statens kartverk.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg