Aulestad

Aulestad. Bjørnstjerne Bjørnsons gard i Gausdal, nordvest for Lillehammer. Biletet er henta frå papirleksikonet Store norske leksikon, utgjeve 2005-2007.

Av /KF-arkiv ※.
Aulestad i 1903.
Av .

Aulestad er ein gard i Gausdal kommune, i Follebu, rundt 18 kilometer nord for Lillehammer. Garden var heimen til Karoline og Bjørnstjerne Bjørnson.

Historikk

Bjørnstjerne Bjørnson kjøpte garden i 1874 for 16 000 spesidalar. Av det samla arealet på 2000 dekar var 150 dekar dyrka mark.

Takk vere Karoline Bjørnsons innsikt og interesse vart den gamle hovudbygningen frå omkring 1800 monaleg forandra og forbetra, blant anna med veranda som omgir første høgda på tre kantar. Eigedomen vart freda i 1923 og statseigd museum i 1926. Sjølve garden tilhøyrer framleis familien Bjørnson.

Frå 1965 vart leiinga av Aulestad underlagd De Sandvigske Samlinger på Lillehammer, Maihaugen. Miljøet er så langt råd bevart uendra frå Bjørnsons tid. To tidlegare gjesterom er omgjorde til utstillingsrom med Bjørnson-minne: manuskript, helsingar, takkeadresser, fotografi med meir.

Elles rommar Aulestad samlingar av skulptur og måleri av norske og utanlandske kunstnarar, sølvtøy, krystall og anna – for ein stor del gåver til Bjørnson. Samlingane omfattar cirka 3000 gjenstandar.

Karoline Bjørnson
Karoline Bjørnson fotografert på terrassen på Aulestad av Anders Beer Wilse, 1908.
Av /Norsk Folkemuseum.
Lisens: CC0 1.0

Kart

Aulestad
Aulestad
Av /Statens kartverk.

Les meir i Store norske leksikon

Eksterne lenkjer

Litteratur

  • Bjørnson, Else: Aulestad: Karoline og Bjørnstjerne Bjørnsons heim, 1957
  • Langeland, Knut: Hageliv på Aulestad, 2002
  • Ågotnes, Jakob E.: I Bjørnstjerne hus, 1992

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg