Perifrastisk konstruksjon er ein konstruksjon med fleire ord, der nokre av dei uttrykkjer grammatiske forhold. Her er nokre norske eksempel:
- verbuttrykk: har sett og vil sjå
- adjektivuttrykk: meir interessant
- eigedomsuttrykk: til Per og Per sin
- nomenfrase pluss enklitikon: kongen av Noregs seglbåt
- preposisjonsuttrykk: til byen, på bordet og med kniv
- subjekt pluss verbal: vi syng, dei åt og eg sykla
I desse uttrykka, eller konstruksjonane, har nokre ord ein grammatisk funksjon, og er grammatiske ord, mens resten av orda er leksikalske ord:
- Grammatiske ord
- hjelpeverb — har, vil
- gradsadverb — meir
- preposisjonar — til, på, med, av
- determinativ — sin
- pronomen — vi, dei, eg
- enklitikon — -s
- Leksikalske ord
- substantiv — Per, byen, bordet, kniv, kongen, Noreg
- adjektiv — interessant
- verb — sett, sjå, syng, åt, sykla
Termen perifrastisk konstruksjon blir ofte nytta for å uttrykkje ein kontrast til morfologiske konstruksjonar, der dei same grammatiske forholda blir uttrykte med bøying.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.